Desvelando as mentiras de Feijoo

No Consello da Xunta do xoves día 5 de novembro, o Conselleiro de Culturismo elevou un Informe no que anunciaba a súa intención de dotar de personalidade xurídica propia ao CGAC, na procura de maior eficiencia, eficacia e autonomía. Ou sexa, un eufemismo da conversión do CGAC en fundación. Ou sexa, privatizar o seu funcionamento.

Este blogue denunciou tempranamente o proceso de "Macdonalización cultural" do CGAC iniciado por Feijoo: ou sexa, a intención de entregalo aos axentes da arte internacional globalizada como mellor estratexia para que deixe de ser un centro que  pule por estimular a creación e exhibición da arte contemporánea galega (pois, como é sabido, a cultura galega "limita" e hai que "abrirse"). Do que se trata é de expoñer "aos artistas máis consagrados" e aumentar o número de visitantes, segundo declarou Roberto Varela.

Para executar esta estratexia de alienación cultural - unha das políticas culturais sobranceiras de Feijóo -, Feijóo nomea Director do CGAC a un portugués con apelido alemán, Miguel Von Haffe Pérez.

Pois ben, cal é o segundo movemento político de Feijóo sobre o CGAC? O que, como xa explicámos no tema da sanidade, é o único que sabe facer: privatizar. Privatizar os museos: a grande pailanada dos que non saben facer outra cousa.

É certo que algúns dos museos de arte contemporánea en España adoptan unha forma privada, de tipo fundacional ou empresarial. Mais é puro tópico neoliberal pensar que con iso mellore o funcionamento de nada, e menos a exhibición cultural: nen a eficiencia, nen a eficacia, nen a maior autonomía xustifican a privatización.

O CGAC ven sendo desde hai anos unha institución sumamente eficiente: o seu orzamento execútase ao 99,9 % sistematicamente. E, na medida en que se trata de diñeiro público, son imprescindíbeis os procedementos e controles para asegurar a correcta xestión deses fondos (para evitar, entre outras cousas, o desfalco que se produciu no Guggenheim).

Por outro lado, o CGAC non necesita nengunha modificación da súa personalidade para asumir doazóns  e mecenados de entidades privadas. Xa o pode facer, mais non o fai pola nula cultura de patrocinio privado que hai neste país. Tampouco necesita esa modificación para explotar nada, pois xaora o  o CGAC explota en rexime concesional a súa cafetaria, e se non explota a súa libraría directamente é porque lle cedeu a explotación á Asociación de Amigos do CGAC...

Do que se trata, entón? Pois basicamente, de ter a coartada para xerar ingresos: de entender o museo como unha empresa xeradora de beneficio, e que poda cobrar entrada.

Por non mencionar que se o CGAC se converter en fundación, será a primeira fundación atendida por personal funcionario da historia da Xunta de Galicia. "Echale huevos", que diría Argiñano en Airbaig!

2 Respostas to “Feijoo o privatizador ataca de novo: o CGAC”

• cedofeita 8novembro2009

  “Para executar esta estratexia de alienación cultural – unha das políticas culturais sobranceiras de Feijóo -, Feijóo nomea Director do CGAC a un portugués con apelido alemán, Miguel Von Haffe Pérez.”

  Non teño mui claro se o que queredes dizer é Habichuela bota mao dun cidadán portugués para continuar coa súa demolición-construción galega-española, respectivamente. Se é así, penso que este é un trecho desafortunado. Sabedes (obviamente) que persoal aborixe da Galiza disposto a aceitar espellos en troca de ouro temos abondo. Entón? Realmente pensades que o candidato “galego” barallado ia ter unha política centrada na Galiza? A súa pretensión, como a da meirande parte das persoas galegas deste ambito, era, é, a de imitar o IVAM, vínculos con Spanja, latinoamerica, etc… Non teño nin idea de que vai este tripeiro, do bloco de esquerda non será, mas polo menos, á partida, sei que o seu principal desexo non vai ser dar unha palestra no Reina Sofia e sair no Babelia. De resto… algún problema cos de Porto que gastan apelidos suevos?

• xan dos pasos 8novembro2009

  Neste caso, Feijomente, non sabes do que falas.

  Iso que ti chamas “privatizar” quixérono facer Moure e Olveira. Fernández Cid non, porque era o máis guiadiño. En Cultura, cando o bipartito, non houbo huevos.

  Pero é que non falamos de “privatizar” exactamente. Fala co xerente do CGAC, un tal Arroyo. Está cerquiña do Opus, e leva aí máis tempo ca todos os directores do CGAC “público” xuntos.

  Noraboa, polo demais

Deixa unha resposta